育兒心得

【育兒好物】脹氣拜拜。Dr. Brown’s Option奶樽 │ Un太的Blog

白白快要滿月,但每次飲完奶都會不正常地尖叫,仲完全掃唔到風,令Un生Un太擔心到不得了,以為白白腸絞痛、又擔心係唔係對奶粉敏感。最後,兒科醫生診斷一切正常,只是肚內有風,藥都唔洗開。於是,Un太把心一橫幫白白轉奶樽, 脹氣無曬、夜間哭鬧都無埋,簡直係天官賜福!

img_2030
懷孕時,Un太一心打算順產兼餵人奶,當時只是買了2個chu chu母乳育兒奶樽做後備。點知……結果變開刀兼餵奶粉,所以出院時喺無周詳考慮下就勿忙地又買多幾個chu chu母乳育兒奶樽。白白喺醫院時食奶已經好快,所以回家後見佢食得咁快(5分鐘飲完110ml),一直以為是他性格問題,仲講笑話擔心他將來會變肥仔,完全忽視了奶速的問題。後來,去健康院檢查時,都有喺姑娘面前試餵一次,Un太問姑娘:佢飲得咁快有沒有問題?奶樽內咁多泡正常嗎?……當時姑娘都話沒問題。

直至上星期開始,白白每次飲完奶都會發出非常高頻率的尖叫聲,手腳會不斷揮舞,身體不斷扭,完全掃唔到風,仲會喊到塊臉紫曬。情況持續約一個星期,最後我們忍不住要帶他去睇兒科醫生。醫生睇過白白喊嘅影片後,結合白白的排便和飲奶表現,認為他一切正常,只是肚內有風,醫生仲教Un生Un太如果掃唔到風,可以將白白側睡20分鐘再掃過。

既然排除咗健康問題,咁餘下唯一會令白白唔舒服嘅,就只有奶樽奶嘴喇!chu chu 奶嘴雖然係為母乳育兒設計,但Un太自己親自試飲過,的而且確可以訓練到嬰兒吸媽媽奶頭,但出奶速度相當快,難怪白白飲奶飲到一半時成日會咳,飲完奶又成日打CX。後來,喺美國一位朋友介紹下,Un太轉用咗好多美國醫生護士都用嘅Dr. Brown’s排氣奶樽。老實講,價錢其實同chu chu 差唔多(貴多10蚊唔夠),但係好用十倍囉!白白飲奶時,奶樽內真係幾乎無泡!而且,Dr. Brown’s奶嘴頭嘅出奶速度近乎同母乳出奶度一致,白白經常飲到就訓着,順便解決埋白白心急飲奶嘅問題!而家同白白掃風真係輕鬆咗好多,唔會尖叫、唔會再扭、仲唔洗10分鐘就排曬啲胃氣出黎,做父母嘅真係安樂曬!!!

img_2032
之前,可能因為奶樽關係吸入太多氣,白白晚上十點開始到訓着前,每晚幾乎最少哭鬧2小時,Un生每日放工回家見到兒子都係喊多過笑,Un太都抱到手軟兼焦躁。明明,醫院姑娘都讚過白白性格好定,相比其他BB算係好少哭鬧,開頭以為是出院轉新環境不習慣,而家捻返,當時白白大概係因為脹氣胃部不適才哭鬧不休。現在,白白飲奶時間雖然長咗,但唔洗再被胃氣頂住,晚上都無再無端端哭鬧,而且訓得好安穩!

Dr. Brown’s 奶樽好用之處:

– 闊身樽使奶粉較窄身樽易搖勻,樽底無咁多結粒
– 出奶速度接近人奶,嬰兒可以慢慢吸食,不會進食過快
– 新版排氣管可以拿掉,嬰兒長大後可以唔用

img_2031
大家買嘅時候記住留意,Dr. Brown’s已經唔再出窄身樽,而家零售店只會買到闊身樽。如果大家去iherbs買雖然會平好多,但唔知將來買唔買得返啲配件。

tb2vck8qvxxxxxbxpxxxxxxxxxx_282018198

 

1128187

這裡也有Un太的文章:
ESD life WOWMamibuy HKBlogspot
She MomWeshareMybb 

歡迎聯絡Un太,參加產品試用和活動:
Email:nataliepuipui@gmail.com
Facebook專頁:Un太的Blog
Blog:https://educatemybaby.com/
廣告

分類:育兒心得

Tagged as: , , ,

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s